By Nyameka Lamani.
Ukusukela ngomhla weshumi elinesibhozo (18) ukuya kumhla wamashumi amabini anesine (24) kweyeThupha 2025, amaphulo oxinaniso olujoliswe kwimipu engekho mthethweni nolunye ulwaphulo-mthetho olumandundu lubonakalise impumelelo enkulu. Amagosa oGcino-mthetho athathe amanyathelo angama-92 552 akhokelele ekubanjweni kwe-1 059 yabantu malunga nothotho lolwaphulo-mthetho, kuquka ukuqhuba unxilile nokubulala.
Kwimipu engamashumi amathathu anesibhozo (38 )(uninzi luvela kwiSithili sase-OR Tambo) exuthiweyo, isibhozo (8) yimipu yokuzingela.
Kumanye ala maphulo, iNkonzo yesiPolisa yaseMzantsi Afrika ibisebenzisana namaqumrhu athile karhulumente. Kubo bonke abarhanelwa abaliwaka namashumi amahlanu anethoba (1 059) ababanjiweyo, kukho ulwaphulo-mthetho oluqaphelekayo, kuquka:
Ukubulala – amashumi amabini anesithathu (23)
Ukuzama ukubulala – Amashumi amabini (20)
Udlwengulo – Ishumi elinesithoba (19)
Uhlaselo GBH – Amakhulu amabini aneshumi elinesithandathu (216)
Uhlaselo oluqhelekileyo – Ikhulu elinesithathu (103)
Ukuqhuba unxilile – Amashumi asixhenxe anesihlanu (75)
Ukuqhekeza kwiindawo zokuhlala – Amashumi amane anesibini (42)
Ukuqhekeza kumashishini – Amashumi asixhenxe anesihlanu (75)
Abaphambukeli ngokungekho mthethweni – amashumi amabini anesithathu (23) – Ukurhweba ngabantu – embini (2).
Amapolisa athe gqolo emveni kwabophuli-mthetho abarhweba nge-abalone abasebenza phakathi kweMonti neJeffreys Bay. Zizonke iiyunithi ze-abalone ezingama-16 611 ziye zathinjwa kwimisebenzi eyahlukeneyo. Amapolisa aphinde afumana iimoto ezibiweyo ezingamashumi amabini anesithathu kwangelo xesha linye.
Obambele uMkomishinala wePhondo uMajor General Thandiswa Kupiso uthe, “Imisebenzi yethu eqhutywa ngabezobuNtlola, kunye namaqela ongenelelo abonisa iziphumo ezincumisayo, kungenxa yamapolisa abonakala esebenza okuzakubangela ukuba kubuye intembeko intembeko yabantu kwiNkonzo yesiPolisa yoMzantsi Afrika(SAPS), uvale ngalo mazwi uMajor General Kupiso.