By Ongeziwe Ntondini.
Udutyulwe wabhubha obenguTitshalakazi wesikolo saamabanga aphezulu iMhlanga sisinqandamathe sakhe, eFlagstaff.
Ingxelo ithi uAsemahle Teddy Miss Hewu oneminyaka engamashumi mabini anesibhozo (28) nobenguTitshalakazi kwisikolo iMhlanga SSS udutyulwe wabulawa kwiintsuku ezimbalwa ezidlulileyo ngumlingani wakhe uPhilani Bonginkosi Gumbi obesebenza kwisikhululo samapolisa eMtontsasa phantsi kwedolophu yaseFlagstaff.
Ukanti ngokwengxelo kuthiwa kuye kwabakho ingxabano engephi kwesisibini kumzi ebekugxemesa iPolisa eMtontsasa kwaze kwavakala izithonga zompu, kanti uGumbi udubula uHewu , wakugqiba wawukhomba kuye umpu.
UHewu ubesanda kuwongwa njengoTitshalakazi obalasele ngomyinge ka-100% kwiizifundo zoshishino (Business Studies) ngexesha lweziphumo zebanga leshumi zonyaka ka-2024.
Wanga uThixo onoxolo angazalisa uthando noxolo kumzi wamaMpondo uphela, athi ekugqibeleni awubhangise umoya wempalalo gazi siphinde sibuye kwakhona isidima somzi ontsundu.