By Siphiwo Boqwana
Ezikamagebhula neSundowns zenze ukuba uMzantsi uzingombe isifuba ngabo emva kwempumelelo yabo ngempelaveki.
Amaqela amabini ebhola ekhatywayo eMzantsi iOrlando Pirates neMamelodi Sundowns abuye nodumo kwimidlalo yeCaf Champions League nebidlalwa kwimpelaveki esiphuma kuyo apho iPirates ibindwendwele eBotswana, yona iSundowns idlalela kwibala labo ePitoli nangona ubuhlinzekwa liqela lase-eSwatini.
Kuye kwanyanzeleka ukuba iqela lebhola ekhatywayo lase-Eswatini liyidlalele apha kweli loMzantsi Afrika imidlalo yayo kuba kungekho bala lisemgangathweni kwilizwe labo.
IMbabane Swallows yase-Eswatini ibhaxabulwe ngamanqaku amane kwiqanda (4-0) yiMamelodi Sundowns ngoMgqibelo eLucas Moripe. Umlenze wesibini (2) walamaqela mabini (2) uzakuphinda ubesePitoli ngomhla wamashumi amabini ananye (21) kwakule inyanga sikuyo kulempelaveki siya kuyo ngoMgqibelo ngentsimbi yesithandathu (18h00) malanga.
Yona iOrlando Pirates izibethele iqela lebhola ekhatywayo laseBotswana iJwaneng Galaxy ngamanqaku amabini eqandeni (2-0) ilibethele kowalo. Umlenze wesibini (2) uzakuhlinzekwa libhakajuju ngoMgqibelo lo siya kuwo umhla wamashumi amabini ananye (21) kweyoMsintsi ngentsimbi yesithandathu (18h00) malanga.
Amanye amaqela ebethabatha inxaxheba kukhuphiswano lendebe yaseAfrika ibisiStellenbosch FC neSekhukhune United.
ISekhukhune United sibethwe ekuhambeni ngenqaku elinye eqandeni (1-0) yiLunda Sul, bazakudlala umlenze wesibini (2) kweli loMzantsi ngoMgqibelo lo uzayo umhla wamashumi amabini ananye (21) kule yoMsintsi inyanga ngentsimbi yesithandathu (18h00) malanga.
Sona iStellies sibethe iVita Club ngamanqaku amabini kwiqanda (2-0) sidlalela ekhaya, ngoku bazakudlala umlenze wesibini (2) ekuhambeni ngeCawa ezayo umhla wamashumi amabini anesibini (22) kweyoMsintsi ngentsimbi yesine (16h00) emva kwemini.
By Siphiwo Boqwana