Umbutho iUnited Democratic Movement (UDM) uthi ulindele ukuba umphathiswa wezemali uEnoch Godongwana acacise ngendlela azimisele ngayo ukukhulisa uqoqosho.
Lo mbutho uthi ukwalindele ukuba achaze ukuba izithembiso ezenziwe ngumongameli uCyril Ramaphosa kwintetho yakhe yobume besizwe (SONA) ziza kuzalisekiswa njani.
UGodongwana uza kwenza iNtetho yoHlahlo-lwabiwo-mali luka-2024 ngale njikalanga.
Usekela mongameli weUDM uNqabayomzi Kwankwa uthi umbutho wakhe ufuna ukwazi ukuba uGodongwana uzakuyifumana njani imali yokuxhasa imicelimngeni eyahlukeneyo elijongene nayo ilizwe.
“Isicwangciso sendlela yokujongana neendleko zokuphila elizifumana likulo ilizwe ngenxa yamaxabiso aphezulu ombane. Inqanaba eliphezulu [lokungabikho kwemisebenzi] kunye neminye imingeni emininzi. Yayijonge ukunqanda urhwaphilizo kunye norhulumente njengenye yempatho gwenxa yezibonelelo zombuso ngokubanzi,” utshilo uKwankwa.