Iqela lesizwe lamabhinqa eMzantsi Afrika iBanyana Banyana neziinjinga zendebe yeWomen’s African nations(WAFCON), bazakudlala imidlalo yobuhllobo emibini(2). ABanyana bazakuqubisana neqela lamanenekazi aseSenegal kwimidlalo emibini(2) kwelaseSenegal.
Lemidlalo mibini(2) izakudlalwa ngabaxholovane bebhola ekhatywayo yabasetyhini, izakudlalwa ngexesha lekhefu lombutho webhola ekhatywayo wehlabathi(FIFA). Ukhumbule ukuba ixesha lekhefu leFIFA liqala kwinyanga ezayo yeSilimela ngomhla wesithathu ukuyakutsho ngomhla weshumi elinanye(03-11).
Nangona kunjalo bona Abanyana neSenegal bazakudlala umdlalo wabo wokuqala ngomhla wamashumi amathathu ananye(31) kulenyanga kaCanzibe uze owesibini(2) ube ngomhla wesine(4) kwinyanga ezayo.
Nangona kungekabhengezwa ukuba umqhudelwano walendebe yeWAFCON ukuba iyakubanjwa nini kodwa umqeqeshi wenza amalungiselelo okuyikhusela. UDesree Ellis uthi nangona beyazi nje ukuba kuzaku dlalelwa eMorocco bengayazi ukuba nini kodwa bazakuqhuba ngokwenza amalungiselelo njenga lemidlalo yobuhlobo neSenegal.
Ukhumbule ukuba iBanyana Banyana yayiphumelela lendebe okokuqala ezimbalini ngethuba ibetha iMorrocco kowayo ngamanqaku amabini kwelinye(2-1). Phambi kokuba bayiphumelele lendebe babeyiphosa kuba izihlandlo zade zantlanu bebethwa kumagqibela kankqoyi.
Ukuyiphumelela kwabo lendebe bade babetha neNigeria kumdlalo wokuqala ngamanqaku amabini kwelinye(2-1). UDr Ellis uvakalise ukuba uzakubhengeza iqela lakhe elinabadlali abangamashumi amabini anesithathu(23) kungentsuku zatywala.
By Siphiwo Boqwana