Iqela lebhola ekhatywayo lamagqiyazana eMamelodi Sundowns afumene isimemo sokuyoku thabatha inxaxheba kwitumente yabasetyhini yebhola ekhatywayo kulonyaka kwilizwe laseMelika.
Amanye amaqela ebhola ekhatywayo azakube ethabatha inxaxheba kuletumente liqela lamagqiyazana aseSpain iAthletico Madrid. Kumenywe neqela lamantombazana ebhola ekhatywayo aseJapan iKobe.
Letumente iyaqala ngomhla weshumi elinesine(14) kwinyanga yeThupha kulonyaka. Abahlinzeki kuletumente liqela laseMelika Kansas City Current. Nalemidlalo izakudlalelwa eKansas City kumabala iCPKC bala elo elithwala ishumi elinanye lamawaka(11.000).
UJerry Tshabalala ongumqeqeshi wamagqiyazana eSundowns uthe letumente izakubanceda babonise isakhono sabo kumazwe aphesheya. Eli qela leBrazilians zaseMzantsi lelokuqala kwelilizwekazi laseAfrika ukumenywa kuletumente.
Usihlalo weMamelodi Sundowns uTlhopie Motsepe uvalise uchulumanco ngesisimemo salamagqiyazana eqela lakhe.
Iqela eliphumelele letumente lizakumka nemali engangesigidi esinamakhulu asibhozo amawaka eerandi (R1.8million).
By Siphiwo Boqwana