By Siphiwo Boqwana.
Kungentsuku zatywala silindele ukuba kungagaleleka umdlali wePirates eGqeberha, uBaloni.
Sekumbovu ukuba iOrlando Pirates neChippa United zivumelane ngomdlali wePirates ukuba aye kwiqela leChillie Boys ngembolekiso, lowo nguSiphelo Baloni.
Baloni uzibandakanye nePirates kwisizini ephelileyo ngenyanga yeSilimela kunyaka ophelileyo esuka kwiqela leNational First Division, iAll Stars.
USiphelo Baloni wePirates noneminyaka engamashumi amabini anesine ubudala idlale imidlalo elishumi elinesithathu kwisizini ephelileyo.
IPirates ibinomdlali okwimbolekiso kwisizini edlulileyo uGoodman Mosele kwiqela leChippa nosele ebuyele kwezimnyama ngenkani ngoku kodwa akakabikho kwiqela likaJose Riveiro kude kube ngoku. IBhakabhaka sele lidlale imidlalo emihlanu kulesizini , badlale kabini kwiCaf Champions ligi baze badlala imidlalo yeMTN8 emithathu. Ngoku iiSea Robbers zikumagqibela kankqoyi weMTN8 ezakudlalwa kwinyanga ezayo ngomhla wesihlanu kweyeDwarha inyanga.
Lo mdlali osaze ngobuso wagqibela ukuba kwiqela likaJose kumdlalo ngethuba bebetha iSupersport United kwiMTN8 kwisigaba samaqela asibhozo okugqibela.
By Siphiwo Boqwana