Kwimpela veki esiphuma kuyo uMasipala okwiPhondo laKwaZulu Natal iMfolozi ubusingathe umdlalo nalapho bekuwongwa umdlali oligqala.
USiyabonga Sangweni ebewongwa ngumasipala iMfolozi nothiye indawo yezemidlalo ngaye, ndawo leyo isanda kwakhiwa. USangweni wayesaku dlalela iOrlando Pirates ukususela ngonyaka ka2011 ukuya kunyaka ka2016.
Umdlalo wokuvula lendawo yezemidlalo (Sport Complex) ubuphakathi kwamagqala eOrlando Pirates neKaizer Chiefs apho naye uSiyabonga ebethabatha inxaxheba njengomdlali wezimnyama ngenkani.
Lo mdlalo ubudlalwa ngomgqibelo umhla weshumi elinesibhozo (18) kuCanzibe 2024. UMdlalo uphele iliqanda macala (0-0), kwaze kwayiwa kwiipenalthi nalapho Amakhosi aye aphumelela ngamanqaku alithoba kwisibhozo (9-8).
By Siphiwo Boqwana.