By Sophumelela Singqota
Inkundla kamantyi yasePitoli inike ibheyile ye-R5 000 umntu ngamnye kwigosa lesibhedlele saseTembisa uZacharia Tshisele (53) kunye negosa leHawks uSajini uPapi Tsie (41) abatyholwa ngobuqhophololo.
Esi sibini kutyholwa ukuba sanikezela ngeR100 000 kumphandi weeHawks ukuze anqande uTshisele ekubeni atshutshiswe kuphando lobuqhophololo oluqhubekayo olubandakanya isibhedlele.
Urhulumente akazange ayiphikise ibheyile, eqaphela ukuba bobabini abatyholwa baqinisekise iidilesi, akukho zigwebo zangaphambili kwaye abajongwa njengengozi ekuhlaleni.
Ityala libuyela enkundleni ngomhla wama-27 kweyoMdumba 2026 ukuze kuphandwe.
UTshisele ngaphambili ubuyisele i-R13.5 yezigidi zeerandi kwi-SIU, abaphandi abathi imele kuphela iqhezu le-R122 lezigidi kwiintlawulo ezingekho semthethweni ezidityaniswe ubuncinane namagosa ali-15 akhoyo ngoku kunye nalawo ebesakuba ngamagosa ezempilo eGauteng kunye nesibhedlele saseTembisa.