Uphuhliso kwiStellies alenzeki kuphela kubadlali, kunjalo nakumagosa eliqela.
Umqeqeshi weStellenbosch FC uSteve Barker ungqinile ukuba umhlalutyi woshicilelo lwevidiyo yabo ulishiyile eliqela emva kwexesha lebhola ekhatywayo ebelilihle kuye kakhulu kubadlali, kubaphathi nakwiqela ngokwalo.
IStellenbosch lilelinye lamaqela eDSTV Premiership elibonakale liqaqambile kwisizini edlulileyo. UDevon O’Brien ongumhlalutyi loshicilelo lwevidiyo uzibandakanye neqela leOrlando Pirates.
Lomfana usebenze kakuhle kakhulu xa ujonga indlela eqhube ngayo iStellies kwisizini esiphuma kuyo.
Uze ukhumbule kaloku ukuba iStellenbosch sikwazile ukuza nendebe yeCarling Knockout, babethwa kumandulela kamagqibela kankqoyi kwindebe yeMTN8 neyeNedbank.
IStellies siqhube kakuhle kwiligi ngethuba sibambana ngamanqaku kwilogi ne-Orlando Pirates ngamanqaku angamashumi amahlanu (50) kodwa yaba yiPirates eba kwindawo yesibini (2) kuluhlu lamaqela eDSTV Premiership, yona yakwindawo yesithathu (3).
Ukhumbule ukuba iStellies sinabadlali abane (4) ababekwiqela leBafana kwiCOSAFA eGqeberha kutsha nje. USteve uyabavuyela xa befumana amarhewu aluhlaza nto leyo ecacisa ukuba ininzi into entle nephuhlileyo abayenzayo beliqela lebhola ekhatywayo eKapa.
By Siphiwo Boqwana