Iqela bombhoxo lamadoda angaphantsi kweminyaka engamashumi amabini (U20) ubudala, iNew Zealand ibentshatsheli boMbhoxo, oku kwenzeka emva kokubetha iAustralia. I-All Blacks ezincinci zibethe i-Wallabies ezincinci ngamanqaku angamashumi amathathu anesithandathu kumashumi amabini anesihlanu (36-25).
IiBoks ezincinci zona nangona zingaqhubanga kakuhle kuletumente kodwa bagqibezele ngendlela ephucukileyo nencomekayo. IiBoks ezincinci zibethe i-Argentina kumdlalo obungekho lula ngamanqaku angamashumi amathathu kumanqaku angamashumi amabini anesibhozo (30-28).
LeTumente ibiqala ukudlalwa ngabangaphantsi kweminyaka engamashumi amabini (U20). IiBoks ezincinci bezihamba ngemva ngeshumi elinesine (14) lonke lamanqaku kwisiqingatha sokuqala somdlalo kodwa zabuya kakubi kwisiqingatha sesibini (2) zawuphumelela umdlalo zibetha ii-Pumas zaseArgentina.
Ngokuqinisekileyo ikhona into ethethwe ngumqeqeshi wezitsibabhokhwe ezincinci ngethuba lekhefu sele zibuye zivutha amadangatye bhe.
NguPhillip-Albert van Niekerk oqabelise iipenalti ezimbini (2) neeconversions ezimbini (2) kumabhokobhoko amancinci. Amabhokobhoko amancinci alale emgceni amatyerli amane (4) zona iPumas zayolala emgceni kanye (1). Letumente ibidlalelwa eBokarina kwelaseAustralia, kunjalo nje ibigqityezelwa phezolo umhla weshumi elinesibini (12) kuCanzibe ngeCawa ezintsukwini.
By Siphiwo Boqwana