UMasipala weNgingqi yasePort St Johns kutshanje uye waququzelela waze wabamba iTumente yoNyaka yeentsuku ezimbini kaSodolophu ebilindelwe ngamehlo abomvu luluntu.
lwasePort St Johns, le tumente itsalele inginginya yabantu abathanda imidlalo kwibala i-Old Military Base Camp nakwibala lasePort St Johns.
Lo mnyhadala, ugqwesileyo kwikhalenda yemidlalo yasekhaya, ubonise italente nomoya wokhuphiswano wamaqela ebhola ekhatywayo alishumi elinesithathu kunye namaqela alishumi elinesibhozo ebhola yomnyazi asuka kula mimmandla.
Ukushenxa kuhlelo oludlulileyo, iNdebe kaSodolophu walo nyaka wazisa inkqubo ehlaziyiweyo yamabhaso. Endaweni yokukhupha lamabhaso ngokungakhethiyo phakathi kwabathathi-nxaxheba, iqela ngalinye eliphume kwindawo ephezulu kwinqanaba lewadi yabo lifumene iwonga nembuyekezo efanelekileyo. Iqela lebhola ekhatywayo eliphezulu lithenjiswe ngebhaso elikhulu lamawaka alishumi eerandi (R10,000), ngelixa iqela eliphambili lebhola yomnyazi laza lafumana amawaka amathandathu eerandi (R6,000).
Uvuthondaba lweNdebe kaSodolophu ka-2024 ifumene ukubhengezwa kwabaphumeleleyo kumacandelo ahlukeneyo, oko kuvuse uchulumanco phakathi kwabadlali kunye nabaxhasi ngokufanayo.
Kudidi lwebhola yomnyazi, la maqela alandelayo avele njengeentshatsheli:
I-Cool Ladies yakwaWadi 14, ibange ibhaso le-R6000.
IJunior Aces yakwaWadi 11, ifumene iR4000.
IYoung Coastal ephuma kwiwadi yesi-6, irhole iwonga nebhaso le-R2000.
Kwicandelo lebhola ekhatywayo yabasetyhini:
IReal Madrid FC ephuma kwaWadi 2 ibonakalise ubuchule ebaleni, yaphumelela yaze yafumana ibhaso elikhulu le-R10,000.
I-11 Stars FC zona eziphuma kwaWadi 1 zidlale kakuhle, zaze zemka ne-R7000.
Kudidi lwebhola ekhatywayo yamadoda:
IPark United FC yakwa ward 11 iphume njengentshatsheli, yagoduka nebhaso elikhulu leR10,000.
IJokwana FC yakwa ward 4 ibonakalise isakhono sayo, yaze yafumana iR7000.
IBarcelona FC yakwa ward 12 ibonakalise ubunganga bayo, yarhole iR5000.
Umdla kunye nolangazelelo olubonwe kwitumente yonke lugxininise ukubaluleka kwemisitho yemidlalo yoluntu ekukhuthazeni ubudlelwane kunye nophuhliso lwetalente. Le Ndebe kaSodolophu ayizange ibonelele ngeqonga lokhuphiswano lobuhlobo nje kuphela kodwa ikwaqaqambise ukubaluleka kwemidlalo yamabanga aphantsi ekukhuliseni umoya ophilileyo nodlamkileyo woluntu.
Ngexesha kukhala impempe yokugqibela neentshatsheli zibhiyozela uloyiso oluze nzima, abaququzeleli nabathathi-nxaxheba ngokufanayo bajonge ngomdla kuhlelo olulandelayo lweNdebe kaSodolophu, belangazelela ukuqhubeka nesiko lokugqwesa kwezemidlalo nokuzibandakanya noluntu ePort St Johns.