I-ANC ayifikanga kwixesha elimisiweyo lepalamente lokuba amaqela angenise amagama amalungu epalamente ukuba asebenze kwikomiti yokugxotha yakuPhala Phala, njengoko iinkokeli zayo ziphikisana ngokuba ngoobani abafanele bathunyelwe.
Oku kutsho imithombo ethembekileyo kwi-ANC nakwipalamente.
Baxelele iSunday Times ngeCawa ukuba iqela lihlulekile ukuhlangabezana nexesha elimisiweyo lomhla wamashumi amabini anesibini (22) kuCanzibe elibekwe nguSomlomo uThoko Didiza, njengoko usabhokwe oyintloko uMdumiseni Ntuli kunye nonobhala jikelele uFikile Mbalula bephikisana ngokuba ngubani omele i-ANC kwikomiti yokugxotha yakuPhala Phala.
Kwangaxeshanye, kubekho ukungavisisani phakathi kukaDidiza kunye nenkokeli yepalamente ye-DA uGeorge Michalakis, apho owayesakuba ngusabhikhwe oyintloko we-DA emtyhola ngokubeka emngciphekweni inkqubo yokugxotha yakuPhala Phala ngokuxoxa ngesigwebo seNkundla yoMgaqo-siseko kwiintlanganiso ze-ANC ezazihanjelwe ngamagqwetha eqela.