INkundla kaMantyi yaseMonti inike ibheyile yamawaka amane eerandi (R4000) kuKapteni Ntombekhaya Patricia August (49) olilungu le-SAPS otyholwa ngobusela nokuphazamisana nengalo yomthetho.
U-August uvelile enkundleni ngezityholo zobusela obungaphaya kwesigidi seerandi (R1 million) kwii-ofisi zezobuntlola eMonti ngomhla weshumi (10) kweyoMqungu 2025.
Iingxelo zithi, indoda engaziwayo ingene kwezi ofisi ngelithi izo kundwendwela uAugust, emva koko yakhupha umpu yanika uAugust ibhegi yesikolo ifuna imali. Kuthiwa uAugast uye wathobela, yaza le ndoda yabaleka nemali.
Umtyholwa wavela okokuqala ngomhla wamashumi amabini (20) kweyoMqungu ka-2025, emva kophando oluyanyaniswa nelo lwaphulo-mthetho, ngelixa umtyholwa engekabanjwa.
Umbuso ume ngelithi u-August uyabandakanyeka kolu lwaphulo-mthetho.
Lo mba uhlehliselwe umhla wesine (04) kweyoKwindla 2025 ukuze kuqhutyekwe nophando.