Imoto ibibiwe eHout Bay eKapa iye yafunyanwa ngamapolisa aseMonti nalapho kubanjwe abarhanelwa abane ekucingelwa ukuba bebezoqhekeza ngayo edolophini.
UKapteni Hazel Mqala uthi abarhanelwa babanjwe ngoLwesibini ngamalungu ombutho i-East London Tracing Team.
Esi sine, sineminyaka ephakathi kwamashumi amathathu (30) namashumi amathathu anesihlanu (35) ubudala, babekwe ityala lokuba nezinto ekurhaneleka ukuba zibiwe nokuba nemipu nembumbulu ngaphandle kwempepha.
UMqala uthi bakwafumaniseke ukuba iToyota Avanza ebekuhanjwa ngayo yeebiwe eNtshona Koloni.
Aba bane bazakuvela enkundleni namhlanje logama uphando oluqhubayo luzakuzama ukubadibanisa nezigebenga zamashishini kumbindi wedolophu yaseMonti.