Amapolisa eSithili saseO.R Tambo afumene imipu engenamphepha-mvume kunye neziyobisi ngexesha amapolisa esenza umsebenzi wawo.
Imipu emibini engenampepha-mvume, eyi-shotgun, ifunyenwe kwizehlo ezibini ezahlukeneyo kwiSithili sase-OR Tambo ngexesha esebenza phakathi kweengingqi zalendawo.
Amalungu esipolisa eMtontsasa afumene umpu ongenazimphepha-mvume noonokrwece ababini kwindawo yaseSixontweni ngelixa bechophele isikhalazo kunye nomrhanelwa oneminyaka engamashumi amane anethoba (49) ubudala obanjiweyo kwaye uvele kwinkundla kamantyi eFlagstaff namhlanje 31/07 ejongene nezityholo zokuba nompu ongenampepha-mvume kunye neemumbulu.
Kwesinye isiganeko ePort St Johns, iphulo lobuntlola eliqhutywa yiZonal District Task Team likhokelele ekubanjweni kwabarhanelwa abathathu abaphakathi kweminyaka eyi 34-36 befunyanwa bethengisa iziyobisi ngelixa omnye enompu ongenampepha-mvume kunye amaqokobhe embumbulu. Bobathathu abarhanelwa baphuma kwingingqi yaseCaguba eBhayi kwaye bazakuvela kwinkundla kamantyi eBhayi namhlanje ngomhla wama-31/07 ngezityholo ezifanayo zokufunyanwa kunye nokuthengisa iziyobisi kunye netyala elongezelelekileyo lokuba nompu ongenampepha-mvume kumrhanelwa oneminyaka engamashumi amathathu anesine ubudala.
“Iziyobisi azitshabalalisi ikamva eliqaqambileyo lolutsha lwethu kuphela kodwa zikhokelela ekubulaweni ngokungenalusini kwabo bazithengisayo, kungoko singamapolisa sinoxanduva lokuqinisa ukubonakala ngokuthi sibambe bonke ababandakanyekayo”, utshilo uMkomishinala weSithili saseOR Tambo uMajor General Cetyana.