INdibano yoluleko ye-African National Congress (ANC) malunga nowayesakuba nguMongameli weli qela, uJacob Zuma, kulindeleke ukuba iqhube namhlanje, kwiqonga ledijithali.
UZuma ubekwe ityala phantsi komgaqo wamashumi amabini anesihlanu (25) kumgaqo-siseko weANC ngokuxhasa umbutho woMkhonto weSizwe phambi konyulo luka Meyi.
Iinkqubo ezichasene noZuma ziye zamiswa kwiveki ephelileyo ukuze iziphumo zolu vavanyo zichazwe ngummeli wakhe nowayesakuba lilungu leNEC yeANC uTony Yengeni.
Owayesakuba nguMongameli weANC uthi imiqathango yomgaqo-siseko weANC iyamvumela ukuba avele phambi kweKomiti yeSizwe yoLuleko ngokwakhe hayi kumaqonga edijithali.
UZuma ukwacele ukuba olu vavanyo lwenziwe esidlangalaleni. I-ANC imile kwelokuba inkqubo yoluleko echasene nenkokeli ye-MK Party ayizukubanjwa buqu okanye yenziwe esidlangalaleni.