I-Afriforum ithi ukubekwa kukaHlophe kwaphula umgaqo-siseko, kwaye bamemelela ungenelelo olukhawulezileyo lwenkundla.
I-Afriforum icele ngokukhawuleza iNkundla yoMgaqo-siseko ukuba itshutshise ukuchongwa yiPalamente kwelungu leMKP uJohn Hlope kwiKhomishini yeNkonzo yezeeJaji (JSC). I-Afriforum ithi ukuchongwa kukaHlophe akukho mthethweni, kwaye kuchasene nomgaqo-siseko.
U-Kallie Kriel, i-CEO ye-Afriforum, uthi uHlope akafanelanga ukubamba udliwano-ndlebe neejaji njengoko wafunyanwa enetyala lokungaziphathi kakuhle yi-JSC. UKriel uthi ukuchongwa kukaHlope kujongela phantsi umgaqo-siseko kunye nomthetho kwaye konakalisa isidima seenkundla.
UKriel ubalula ukungxamiseka kwalomba ngoba indibano elandelayo ye-JSC ingo-Okthobha kulo nyaka, apho kuzakubanjwa udliwano-ndlebe nabagqatswa kwesi sikhundla asishiyileyo uHlope phakathi kweengxabano neejaji. UKriel ukwakhankanya ukunxulumana kukaHlope noZuma kunye nokuxoxwa kwetyala lakhe lorhwaphilizo elizayo.
IPalamente, uHlope, kunye nombutho weMKP baneveki nje ukuze baphendule kwesi sicelo phambi kokuba iJaji eyiNtloko ikhuphe eminye imiyalelo.