Indoda eneminyaka engamashumi amane (40) ubudala eyahlasela intombi yayo ngolunya kunye nosapho lwayo ngezembe, nto leyo eyabangela ukubhubha komntu omnye kunye nokwenzakala okumanyum-nyezi, igwetywe ubomi entolongweni ngokubulala.
UMboneleli Ntantiso uvele kwiNkundla yeSithili yaseMaloti kule veki, apho isigwebo sinikezelwe khona.
Ugwetywe iminyaka engamashumi amane anesihlanu (45) ngenxa yamatyala amathathu okuzama ukubulala, kunye neminyaka elishumu (10) ngokuhlasela ngenjongo yokwenzakalisa umzimba.
INkonzo yamaPolisa aseMzantsi Afrika (SAPS) eMpuma Koloni isamkele isigwebo esinzima esinikwe uNtantiso
Ngexesha letyala, inkundla ive ukuba ngomhla weshumi elinesithoba (19) kuCanzibe ka-2025, uNtantiso wahlasela intombi yakhe ngezembe wambulala ekhayeni lakhe eMpuma Koloni.
“UNtantiso waqhubeka nokuhlasela amanye amalungu osapho amahlanu, kuquka nabantakwabo, ngesikhali esifanayo, nto leyo eyabangela ukuba abulale abantu. Emva kohlaselo, uNtantiso wabaleka kwindawo yesiganeko, eshiya isidumbu sexhoba esingenabomi,” sitshilo isithethi samapolisa aseMpuma Koloni uBrigadier Nobuntu Gantana.
“Ukuzingela ngamaqela amaninzi kwaqaliswa ngoko nangoko phantsi kolwalathiso lweKhomishinala yeSithili sase-Alfred Nzo, uMajor General Nompumelelo Majikijela.
“Eli phulo lihlanganise amalungu avela kwi-Crime Intelligence, iMatatiele kunye neMaloti Visible Policing (Vispol) Detectives, kunye neyunithi yeMaloti K9. Umzamo wentsebenziswano ukhokelele ekubanjweni komrhanelwa kwisithuba esingaphantsi kweveki.”
UGantana uthe ityala laqala labhaliswa kwiNkundla kaMantyi yaseMatatiele ngaphambi kokuba lidluliselwe kwiNkundla yeSithili yaseMaloti, apho uNtantiso wafunyanwa enetyala kuzo zonke izityholo ngomhla wamashumi amabini (20) kweyoKwindla ngo-2026.
“Igosa eliphandayo, uWarrant Officer Mazibuko, wanconywa ngomsebenzi wakhe ocokisekileyo ekuqinisekiseni ukugwetywa. Umphathi weSitishi sabacuphi baseMatatiele, uLieutenant Colonel Thafeni, naye udlale indima ebalulekileyo ekongameleni uphando.”
Inkonzo yesipolisa eMpuma Koloni iphinda izibophelele ekususeni izigebenga ezinobundlobongela kwiindawo zokuhlala nokuqinisekisa ukuba “abenzi bobundlobongela obusekelwe kwisini bajongene namandla omthetho.”