Inkosikazi etyholwa ngokutshisa ibhasi eGqeberha ebutsheni bale nyanga kunyanzeleke ukuba lichithe enye iveki eluvalelweni lwamapolisa kuba idilesi yayo ibingekaqinisekiswa.
UYamkela Mahobe (24), wabanjwa ekwindlu kamama wakhe kuGatyane kwiiveki ezimbini emva kwesi sehlo.
Kwiveki ephelileyo, uvelile kwinkundla kamantyi yasekuhlaleni echaza ukuba uzakufaka isicelo sebheyile kulo Mvulo, nangona kunjalo, isicelo asikwazanga kuthathwa nanjengoko idilesi ayinike ummeli wakhe, ibingeyinabunyani kulandela uphando.
UMantyi ubongoze uMahobe ukuba athethe inyani kwaye uyalele ibhunga lakhe lezomthetho ukuba liphinde libonisane naye.
Eli bhinqa liselula, belithwele isikhafu esimdaka (Brown) entloko kunye nedyasi efanayo, lixelele inkundla ukuba liza kusebenzisana nayo ngokupheleleyo kwaye linike iinkcukacha ezichanekileyo.
Ngomhla wesibini kuNovemba, lo wasetyhini kutyholwa ukuba wayenengxabano nenkampani yebhasi ngenxa yeselula apho wayegrogrisa ngokutshisa ibhasi.
Ibhasi yatshiswa phambi kokuba umrhanelwa abaleke kwindawo yexhwayelo.
Umonakalo webhasi ubalelwa kwiR3.2 yezigidi zeerandi.
UMahobe ujongene netyala lokonakalisa impahla.