Ngabantu abathandathu(6) ababhubhileyo ngelixa abasixhenxe(7) abonzakeleyo kwingozi ebibandakanya iveni kunye nesithuthi sikawonke-wonke sohlobo we(taxi) kuhola wendlela uR61 kufutshane nelali yaseCorana ngaphandle kwaseMthatha.
Lengozi yenzeke ngentsasa yayizolo malunga nentsimbi yesibhozo(07:40)
Kutyholwa ukuba iveni, nebinabakhweli abahlanu(5) abebesiya kumsitho wesintu kwindawo ekufutshane nelali iye yantlitheka ngasemva kwiteksi ebilayisha umntu ngeloxesha yaza yabhukuqa.
Onke amadoda amahlanu angasemva kwiveni abhubhele kwindawo yexhwayelo, logama umkhweli omnye (oyindoda) obekhwele eteksini uthe wabhubha.
Abonzakeleyo, kuquka nomqhubi weveni babalekiselwe esibhedlele benomonzakalo ukusuka kumabi kakhulu ukuya kwancinci.
Umqhubi weteksi ubaleke engenawo nomkrwelo.
Ityala lokubulala ngokungenanjongo livuliwe kwaye uphando lusaqhuba.