Ngabantu abane ingamadoda onke abaphulukene nobomi kwingozi emasikizi yesithuthu kuhola wendlela uN2 namhlanje.
Sisithuthi sohlobo lweVW Vivo egaxeleke engozini ngethuba ingqubana nelori ebihamba kuhola wendlela uN2 kude kufuphi nebhulorho iKei Bridge xa usuka eMonti.
Kutyholwa ukuba umqhubi weVivo uphulukene nolawulo lwesithuthi ngelixa eqhuba esingise kwiBhulorho yaseKei ukusuka kwicala laseMonti. Ngelishwa ukugqibeka kwayo kulelori kwenze ukuba babhubhe bonke kwindawo yexhwayelo.
Umqhubi weloli kunye nabakhweli bakhe ababini(2) baphume kulengozi bengonzakalanga.
Iimeko ezingqonge unobangela wengozi azikakaziwa okwangoku
Ityala lokubulala ngokungenanjongo livuliwe eKomga ngamapolisa ukuze kuqhutyekwe nophando.