INkundla yamaTyala ephanda izityholo zesinyanzeliso ngokwesondo ngakuMongameli weeJaji yaseMpuma Kapa uSelby Mbenenge iyaqhuba namhlanje nalapho kulindeleke ukuba ingqina elitsha linike ubungqina.
UNeil Naidoo, igosa elivela kwi-Ofisi yeJaji eyiNtloko, umiselwe ukuba avele phambi kweNkundla yamaTyala. Kulindeleke ukuba aveze ubungqina obunxulumene nevidiyo ye-CCTV eza kungeniswa njengobungqina.
Le mifanekiso kulindeleke ukuba ixhase imifanekiso yeNkundla ePhakamileyo yaseMthatha ebikade ifakwe ngaphambili, nethe yasetyenziswa kubungqina obuvela kwiCandelo leNkundla ePhakamileyo eMpuma Kapa kwiveki ephelileyo.
UMbenenge utyholwa ngokuxhaphaza ngokwesondo unobhala weejaji u-Andiswa Mengo ngokuthe ngqo kunye nonxibelelwano lwe-elektroniki phakathi kweyeSilimela ka-2021 ukuya kweyeNkanga ka-2022.