INkulumbuso yaseMpuma Koloni uOscar Mabuyane uzigxekile kakhulu izenzo zobundlobongela nolwaphulo-mthetho ezibonakaliswe ngexesha lomngcelele wangoMvulo umhla wamashumi amathathu (30) kweyoKwindla eKuGompo City.
Amakhulu abantu beebambe umngcelele bangene ezitalatweni bekhalazela ukumiselwa kwenkosi yaseNigeria kwesi sixeko.
UMasipala waseBuffalo City uqinisekisile ukuba uqhankqalazo lande ngokukhawuleza, nto leyo ebangele ukuphangwa okubanzi kunye nomonakalo omkhulu kwimpahla yabucala neyoluntu.
INkulumbuso uMabuyane ubonakalise inkxalabo enkulu ngokutshatyalaliswa okusembindini wedolophu yaseKuGompo City, apho abaqhankqalazi abanomsindo batshise izithuthi ezininzi kwaye bajolise kumashishini asekuhlaleni. Uqinisekisile ukuba iiarhente zogcino-mthetho zithunyelwe ukuzinzisa iindawo ezichaphazelekayo nokuqinisekisa ukhuseleko lwabemi, amashishini kunye nabantu abahamba ngeenyawo.
Isithethi sephondo uSonwabo Mbananga ukhuphe ingxelo egxininisa ukuma kukarhulumente malunga noxinzelelo:
“INkulumbuso uMabuyane kunye noRhulumente wePhondo laseMpuma Koloni bagxeka ngokungafihlisiyo zonke izenzo zobundlobongela, ulwaphulo-mthetho, kunye nokungabikho komthetho. UMzantsi Afrika uhlala ulawulwa yintando yesininzi ngokomgaqo-siseko elawulwa ngumthetho.”
Abaqhankqalazi bachithachithekile emva kokunikezela kwexwebu elisemthethweni kwiSebe lezoLawulo lweNtsebenziswano kunye neMicimbi yeMveli (COGTA).
Eyewitness News