By Esona Magawana
INkundla ePhakamileyo yaseFreyistata iza kumamela iingxoxo zamva nje kwaye iqinisekise ukulungela ukuxoxwa kwetyala lokubaleka entolongweni likaThabo Bester kunye nabo atyholwa nabo.
Ngenyanga yoMsintsi, ityala lanqumama emva kokuba uBester etshintshe abameli bezomthetho ityeli lesine kwaye nogxa wakhe, uGqr Nandipha Magudumana kwinkundla yomgaqo-siseko. UBester noMagudumana babanjwa bebaleka eTanzania kuTshazimpuzi -2023 emva kokuba UBester ebaleke entolongweni yase Mangaung ngokungenalusini, apho wayethothoza isigwebo sobomi ngenxa yokubulala.
Ukuxoxwa kwetyala lokugqibela kwiNkundla ePhakamileyo yaseFreyistata KweyoMsintsi, uBester wazisa igqwetha lakhe lesihlanu. Iqela elitsha liqinisekise inkundla ukuba lizakulungela ukuxoxa ityala kwikota yokuqala ka-2026.
Inkundla ive ukuba lityala likaMagudumana lokufuna ukubuyiselwa ngaphandle, athe walisa kwiNkundla yoMgaqo-siseko, ebambe eli tyala. UMagudumana ucela umngeni ngokukhutshwa kwakhe eTanzania kwaye ubhena kwiNkundla ePhakamileyo malunga nesigwebo sakhe. Kwinyanga yoMsintsi, abatshutshisi boMbuso bathembisa ukubhalela inkundla ephakamileyo, bachazele abagwebi ngokulibaziseka okubangelwe sisibheno esiziswe kubo.