IPremier Soccer League ityikitye isivumelwano senxaso yentsebenziswano nenkampani yokungcakaza uBetway nozakuthatha apho bekuyeke khona nguDSTV. Esisibhengezo senziwe ngumphathi wePSL uDr Irvin Khoza.
Ngethuba kubanjwe inkomfa nonondaba izolo ulwesithathu umhla wamashumi amabini anesine(24) kweyeKhala kwikomkhulu leligi eParktown, usihlalo wePSL wazise ngeBetway Premiership nezakuthi iqale ngomhla weshumi(10) kwinyanga yoMsintsi.
Nangona uBetway Premiership ezakuqala kwiveki ezintandathu(6) ezizayo kodwa ngokwengxelo yosihlalo yePSL iMTN8 yona iyaqala ngomhla wesithathu(03) kulenyanga izayo inyanga yeThupha.
Ngokutsho kukaKhoza inxaso yeBetway neyasungulwa eMalta ixabisa izigidi zeerandi ezingamakhulu alithoba. Lenkampani yehlabathi yokungcakaza uBetway uthatha intambho kwinkampani ephantsi koMultichoice iDSTV nenxaso yayo ephele kwangethuba kusashiyeke unyaka phambi kokuba iphele.
By Siphiwo Boqwana