By Asemahle Mbete.
URhulumente wePhondo laseMpuma Kapa uzakwamkela oHloniphekileyo uMongameli Cyril Ramaphosa, kutyelelo olusemthethweni kweli phondo ukususela ngoLwesibini, umhla we-15 kuTshazimpuzi ukuya kuLwesithathu, umhla we-16 kuTshazimpuzi 2025. Olu tyelelo lugxininisa ukuzibophelela kukaMongameli ekunxibelelaneni ngqo namaphondo, ukomeleza intsebenziswano, kunye nokuqhuba i-ajenda yophuhliso ebanzi yoMzantsi Afrika.
Urhulumente wephondo ukhuthazwa ngokukodwa kukugxila kolu tyelelo ekukhuthazeni intsebenziswano, ukwabelana ngeendlela ezilungileyo, kunye nokuphucula ukuhanjiswa kweenkonzo ukukhawulezisa ukukhula koqoqosho.
INkulumbuso yaseMpuma Kapa uLubabalo u-Oscar Mabuyane kunye neBhunga lakhe eliLawulayo bajonge phambili ekuthetheni noMongameli Ramaphosa kunye namalungu eSigqeba esiLawulayo sikaZwelonke malunga nezinto eziphambili zephondo. Olu tyelelo |weentsuku ezimbini luza kubandakanya utyelelo lokubeka iliso eCoega lDZ kwakunye neNtlanganiso yeKhabhinethi edibeneyo eya kwandiswa koSodolophu abaLawulayo beSithili saseMpuma Kapa kunye noMasipala be-Metro.
Eli qonga liya kuvumela uphononongo olupheleleyo Iwenkqubela phambili eyenziweyo, kunye nokunyaniseka, ingxoxo ngemiceli mngeni, namathuba okuqhubela phambili uhlumo loqoqosho oluquka wonke umntu nokunikezelwa kweenkonzo ezifanelekileyo kubantu baseMpuma Kapa.
URhulumente wePhondo uhlala ezimisele ukudala umgaqo-nkqubo, imeko yotyalo-mali, ukudalwa kwemisebenzi kunye nokuphuculwa kweenkonzo zikarhulumente. Siqinisekile ukuba olu tyelelo luza komeleza intsebenziswano phakathi kweMpuma Kapa kunye norhulumente weSizwe. Sisebenzisana ngokusondeleyo noMongameli kunye nolawulo Iwakhe.
“Sizimisele ukubona ukukhawulezisa uphuhliso, ukujongana neemfuno ezibalulekileyo, kunye nokuvula amandla apheleley ephondo lethu.” itshilo iNkulumbuso uMabuyane.