Indoda eneminyaka engamashumi amahlanu anesibini (52) ubudala, yaseMonti ejongene nezityholo zokurheletya ngabantwana inikwe ibheyile ye-R5 000 kwinkundla kamantyi yesiXeko ngoLwesine.
Le ndoda, engenakuchazwa nanjengoko ingekalivumi okanye ilikhanyele ityala enkundleni, yabanjwa ngomhla wesi-5 kweyoKwindla kwiphulo elihlangeneyo lamazwe ngamazwe noKhuseleko lweLizwe eMelika.
Isicelo sakhe sebheyile asizange siphikiswe ngurhulumente.
Amapolisa asekwiphulo lokuzama ukuchonga amaxhoba kumakhulu emifanekiso efunyenwe kwizixhobo zakhe.
Lo mcimbi uhlehliselwe umhla wamashumi amabini anesibhozo kuCanzibe.
Kusenjalo, eMossel Bay, omnye umrhanelwa ekukholelwa ukuba uyinxalenye yabarhanelwa abangamashumi amabini anesixhenxe ababanjiweyo uqhubekile novavanyo lwebheyile ngoLwesithathu.
UKapteni Shaun van der Heever ophuma kwiYunithi yoPhando lweNgqondo yamaPolisa oMzantsi Afrika unike ubungqina enkundleni echaza ukuba le mifanekiso mibi kakhulu.
Zisithoba zizonke izixhobo zombane ezathinjwa kwikhaya lomrhanelwa eDa Nova kwinyanga ephelileyo apho amapolisa afumene imifanekiso engaphaya kwesigidi exakekileyo ehluza kuyo.
UVan der Heever uxelele inkundla ukuba zonke iifoto zezamadoda amadala anamantombazana aselula.
Uthi akunakufane kwenzeke ukuba umrhanelwa ayeke le nto ebeyenza xa ekhululwe ngebheyile.
Akukho nalinye ixhoba elisefowunini elichongiwe.
Lo mcimbi uhlehliselwe umhla wesithathu kuTshazimpuzi.