By Siphiwo Boqwana
Amakhwenkwe esikolo saseMzantsi Afrika eTshwane, iCurro Hezeldean, nabangaphantsi kweminyaka elishumi elinesixhenxe benze irekhodi elisha lehlabathi kumgama we4x100m Relay beqwabaza elaseMerika.
Iimbaleki ezisakhulayo nebezibaleka kwiRelayi ye4x100m zenze irekhodi lokuba ngezona mbaleki ezibaleka ngokukhawuleza ehlabathini, la makhwenkwe ngawesikolo samabanga aphezulu iCurro Hezeldean isikolo sasePitoli kwiqela labangaphantsi kweminyaka elishumi elinesixhenxe (U/17), ezimbaleki zophule irekhodi labo baneminyaka engaphantsi kweshumi elinesibhozo (U/18) ubudala.
Eli qela labangaphantsi kweminyaka elishumi elinesibhozo (U/18) baphakamise abalandeli nabathandi beembaleki kwibalala lezemidlalo leDyunivesiti yaseMntla ntshona ngethuba besenza le mbali.
Eli rekhodi litsha la lamakhwenkwe ngamashumi amathathu anethoba anamashumi alithoba anesibini (39.92), bophule irekhodi leqela lamakhwenkwe aseMerika lamashumi amathathu anethoba elinamashumi alithoba anesihlanu (39.95).
Aba bantwana besikolo abenze le mbali nguMatodzi Ndou, uZattu Hlongwane, uInam Dlungu noAdam Motloung. UBayanda Walaza Naye ebesaku funda kwesisikolo iCurro, ukhumbule ukuba uWalaza uze nesilivere neqela lakhe kwiOlyimpiki esiphuma kuyo, akaphelelanga apho kuba ngenyanga yeThupa ubuye negolide kwimidlalo yeembaleki kwabo baneminyaka engaphantsi kwamashumi amabini (U/20) ubudala nebibanjelwe ePeru.
By Siphiwo Boqwana