Nangona zidlale kakuhle iBlitzbokke kusuku lokuqala leWorld Series HSBC Sevens, itumente leyo ibibanjelwe eSingapore kulempela veki nebiqale ngolwesihlanu umhla wesithathu (03) kulenyanga imiyo kaCanzibe 2024, nalapho bekudlala amaqela adlala ngabadlali abasixhenxe.
Ngomgqibelo umhla wesine (04) kulenyanga iiBlitzbokke zibethe iFrance ngamanqaku angamashumi amabini kwishumi elinethoba (20-19) zayohlala kwindawo yokuqala kuPool B emva kokubetha iSpain neSamoa ngolwesihlanu.
Eliqela lamadoda liyeke umdlalo wayo ngethuba lihamba phambili ngeshumi (10) lamanqaku kodwa waphela umdlalo bebethwe ngeshumi elinesine kwishumi (14-10) ngethuba liqubisene neqela laseArgentina kumdlalo wamaqela asibhozo (8) wokugqibela. Iqela loMzantsi Afrika liphele likwindawo yesithandathu (6) kuletumente.
Lendebe iphunyelelwe liqela laseNew Zealand nelibethe iqela laseIreland ngamanqaku alishumi elinesixhenxe kwishumi elinesine (17-14) kumagqibela kankqoyi.
By Siphiwo Boqwana