Iqela lomboxo loMzantsi Afrika iSharks zenze imbali ngokuba liqela lokuqala lalapha ukungena kumagqibela kankqoyi wendebe yaseEurope. ISharks zibethe i-Clermont ngamanqaku angamashumi amathathu nambini kumashumi amathathu nanye (32-31) kumabala iTwickenham Stoop ngomgqibelo umhla wesine kulenyanga kaCanzibe 2024.
Ngethuba iSharks ziqubisene neClermont bezihamba emva ngamanqaku alishumi elinesithathu onke kwisiqingatha sesibini (2). Ukusuka kwisiqingatha sokuqala bekunzima kwiSharks kuba bebekhe bahamba emva ngeshumi lamanqaku (10). Abafana beSharks babuye kakubi baphumelela.
Nangona iSharks ziye zaphulukana noAphelele Fassi ngenxa yekhadi elimthubi kodwa uMakazole Mapimpi noVincent Koch bancede eliqela ngokulala emgceni. Kwelinye icala uSiya Masuku ulincede ngakumbi eliqela ngokuqabelisa amatyeli amathandathu kumathuba awafumeneyo amathandathu.
UMasuku odlala kwindawo yeshumi kwiSharks uqabelise ipenalthi ezintandathu waze waqabelisa ezimbini emva kokuba kulalwe emgceni izihlandlo ezimbini. Kungoku nje abafana baseMzantsi bazakudlala kumagqibela kankqoyi ngomhla wamashumi amabini anesine kulenyanga kaCanzibe kumabala iTottenham.
Kulamagqibela kankqoyi iiSharks ziqubisana neeClermont eTottenham Hotspurs kwindebe yeChallenge ngentsimbi yesibhozo ebusuku. Kwakwelibala laseLondon kuzakube kudlalwa kumagqibela kankqoyi weNdebe yeInvestec ngomgqibelo umhla wamashumi amabini anesihlanu ngomkhono phambi kwentsimbi yesithathu (14h45).
IGloucester ize apha kulamanqam ngokubetha iCastres kumaqela asibhozo wokugqibela neOspreys kumaqela alishumi elinesithandathu okugqibela.
Zona iSharks zifike kulamagqibela kankqoyi zibethe iZebre kumaqela asibhozo okugqibela babetha neParma kumaqela okugqibela alishumi elinesithandathu. Iqela eliphumeleleyo lizakube lizibekele indawo kwisizini ezayo kwiNdebe yeChampionship.
By Siphiwo Boqwana