By Sophumelela Singqota
UZiyanda Tshangana ukhokele ingqungquthela yeProphetic Worship Encounter nebibanjelwe eMonti. Abaculi bevangeli bebedibene ngobusuku bangoMgqibelo umhla weshumi elinanye (11) kweyeDwarha eCalvary Christian Church eQuigney.
Lo msitho ukhethekileyo ubusingathwe yimvumi yevangeli edumileyo uZiyanda Tshangana, nokhokele ubusuku obuzaliswe lunqulo olunamandla, imithandazo yesiprofetho, nomculo okhuthazayo. Umhlangano byjolise ekuziseni amava atshintsha ubomi bobukho bukaThixo, impiliso, kunye nokuhlaziywa komoya kubo bonke abakholwayo.
Uluhlu lwamandwendwe kaZiyanda belubandakanya amagcisa evangeli, phakathi kwabo kukho uThinah Zungu, nowaziwa ngeengoma ezichukumisayo ezifana nethi “Kwanqaba Umusa,” ethembisa ngamaxesha okunqula ngokusuk’ entliziyweni. Enye imbalasane yaba nguJumbo Nyangiwe, owamkelekileyo ngeengoma ezidumileyo ezifana nethi “Singenise” kunye nethi “Wena Nkosi Uyazi”. Iqela elidumileyo i-EBMQ likwacula, lidume ngeengoma zalo ezithi “Josefa” kunye “noMangath’akekho,” elicula noZiyanda ngokwakhe. UXola Toto naye ebekhona engomnye wabaculi. UBetusile Mcinga nabanye abahlobo bakaZiyanda nabo baye bangenelela ekunquleni nasekudumiseni.
UZiyanda uye waphosa amazwi ombulelo kuye wonke umntu oyewakhona wamxhasa kumsitho wakhe,”umntu nimxhasa amongoze, bazalwane ndiyabulela ndimane ndisothuka ngoba ezinye ividiyo kungona ndizibonayo”.
Ngokudibeneyo, la magcisa enze lomnyhadala wadlamnka. Lo msitho awusebenzanga nje njengekonsathi kodwa ube yindibano engcwele apho abaninzi baye bafumana unxulumano olunzulu noThixo.