By Buhle Nomgalasa.
ISebe lezeMpilo eMpuma Koloni likhuphe inqaku elinengxelo yentlanganiso ibibanjiwe phantsi koMjikelo weMpilo kwiSithili soMasipala oMbaxa weBuffalo City woThethwano oluBanzi lwaBasebenzi ububanjelwe kwii-ofisi zeSithili ngoMvulo, umhla wamashumi amabini anesibhozo (28) kweyeKhala ngo-2025, apho abasebenzi beli sebe, ukusuka kwinqanaba lesibini ukuya kwawona magosa aphezulu, bebehlanganisene kwigumbi lebhodi ye-Ofisi yeSithili.
Bekhokelwa liQela leSebe elijongene nomsebenzi kunye nenkxaso yeOfisi yeNkulumbuso (OTP), i-ECDoH ibambe le ntlanganiso ukuxoxa nge-ajenda yeSDM entsha ecetywayo.
I-SDM kunye neProjekthi yoHlolo loMbutho ibandakanya iinjongo zokuqinisekisa ukufikelela kwiinkonzo zempilo kumntu wonke, ngakumbi abona bantu basemngciphekweni kunye namaqela ahlelelekileyo. Ikwafuna amathuba okuphucula imimiselo yezentlalo kwiziphumo zempilo.
Ugxininiso lwe-SDM lubandakanya iiNkonzo zeMpilo zeSithili, iikliniki, amaziko empilo oluntu, izibhedlele zoluntu ukusuka kwinqanaba lokuqala ukuya kwelesihlanu, iiNkonzo zeSithilana ngokunjalo nesicwangciso semfuduko esiza kukhokela ukubekwa kwabasebenzi kubume bombutho omtsha obuvunyiweyo.
USekela Mlawuli woPhuhliso loMbutho, uNksk. Thobeka Matt, ubalule izicwangciso zesebe zokuguqula iSDM yesebe ukuze ihambelane nemingeni elijongene nayo icandelo lezempilo.
“Injongo ye-SMD ikwakhuthaza eyona migangatho iphezulu yomgangatho wonikezelo lwenkonzo yezempilo kwiPhondo leMpuma Koloni,” utshilo.
Wongeze ukuba iSMD yangaphambili yesebe yamkelwa ngo-2017, kodwa ayizange iphunyezwe ngenxa yezinto zangaphandle nangaphakathi. Ngexesha leeseshoni zengxoxo, uSekela Mlawuli Jikelele kwiiNkonzo zeNkxaso yoNyango, uGqr Mtandeki Xamlashe uthe “isebe alinayo iOganogram yamva nje.
“Le sinayo iphelelwe lixesha, isebe linoxanduva lokuhlengahlengisa le SMD ukuze ihlangabezane neemfuno zabachaphazelekayo kwisebe ingakumbi kwizigulana,” ucacise watsho.
Injongo yeSMD kukudala inkqubo yezempilo ezinzileyo nesebenzayo kwiimfuno zempilo zabemi kunye nokutshintsha ukhathalelo lwezempilo olucelumngeni kakhulu, “waqukumbela ngelitshoyo.