UMzantsi Afrika urekhode ezinye iimeko ezintandathu (6) zeMpox eGauteng naKwaZulu-Natal, nto leyo isenza iShumi elinesiThathu (13) lilonke.
ISebe lezeMpilo lithi lifumene ibhetshi ye-M-pox yonyango oluthile lwe-Tecovirimat, eyaziwa ngokuba yi-TPOXX okanye i-ST-246, yonyango lwezigulane ezifumana iingxaki ezinzima zempilo ngenxa yesifo se-M-pox.
Isebe lithi inkqubo yokukhusela unyango olongezelelekileyo oluquka izitofu zokugonya iyaqhuba xa kukho imfuneko. Ilizwe lichonge ezinye iimeko ezintandathu eziye zaqinisekiswa elabhoratri ze-M-pox, nto leyo isenza inani lilonke lamatyala ukusuka kwisixhenxe ukuya kwishumi elinesithathu (13).
Isithethi seli Sebe, uFoster Mohale uyacacisa, “Asixhenxe kula matyala aqinisekisiweyo KwaZulu-Natal, amahlanu (5) eRhawutini nelinye eNtshona Koloni. Ucoceko lwezandla yenye yeendlela ezisebenzayo zokukhusela abantu ekuguleni nasekuthinteleni ukosulela kwezifo. Ke, abantu bayakhunjuzwa ukuba basoloko behlamba izandla ngesepha namanzi, okanye basebenzise isicoci sesandla esisekwe etywaleni, ngakumbi ngaphambi kokutya okanye ukuchukumisa ubuso bakho nasemva kokusebenzisa indlu yangasese. ”
Amanyathelo okuthintela:
Esi sifo sibangelwa yintsholongwane yeMonkeypox (MPXV), i-Orthopoxvirus esasazeka ukusuka komnye umntu ukuya komnye ngokudibana ngokusondeleyo, kunye namadama angaziwayo ezilwanyana eMpuma, kuMbindi nakwiNtshona Afrika.
Iimpawu eziqhelekileyo ze-M-pox ziquka irhashalala ehlala kwiiveki ezimbini ukuya kwezine, umkhuhlane, intloko ebuhlungu, imisipha ebuhlungu, amandla aphantsi kunye nokudumba kwamadlala e-lymph.
By Anita Qubula.