iMamelodi Sundowns ityikitye umdlali weSupersport United uKegan Johannes nodlala njengomdlali wangasemva.
uJohannes uneminyaka engamashumi amabini anesithathu(23) ubudala wayesakuba yinkokheli yabadlali beqela lesizwe labangaphantsi kweminyaka engamashumi amabini anesithathu(U/23), lomdlali unamava awafumene edlalela iSupersport United neCape Town Spurs.
UKegan udlale imidlalo engamashumi amathandathu anesihlanu(65) kwiqela leSupersport ukususela oko wathi wazibandakanya nayo ngonyaka ka2021 edlala phakathi ngasemva nasecaleni ekunene ngasemva.
Lomdlali ungomnye osele eboniwe kuBafana Bafana. Lomdlali utyikitye izolo iminyaka emine(4) nangona esachacha kumonzakalo awufumene ekupheleni kunyaka ophelileyo.
UKegan Johannes ngumdlali wesithathu(3) ukuzibandakanya neliqela leSundowns emva koKobamelo Kodisang nobedlalela iqela lasePortugal iMereirense nangokufika kuka-Arthur De Oliveira Sales waseBrazil nobesuka kwiqela laseBelgium iLommel SK, babe benesivumelwano nomdlali weSekhukhune United u-Asekho Tiwani nongekavezwa.
By Siphiwo Boqwana