By Anita Qubula
UMlawuli weCandelo levenkile uSpar eMpuma Kapa ukhuphe ingxelo eyalela ukuba zonke izidudu zakwaTop Score zakwilizwe laseNamibia ezilungiselelweyo ukutyiwa ngokukhawuleza, zisuswe kwiivenkile zonke zakwaSpar kweliphondo.
USiyolo Dick onguMlawuli oLawulayo kwiCandelo levenkile yakwaSpar eMpuma Kapa, ukhuphe ingxelo ngomhla wamashumi amabini anesibhozo (28) kweyoMsintsi eyalelea ukuba zonke iimveli zesidudu iTop Score zakwilizwe laseNamibia ukuba zisuswe kwiivenkile zonke ezikweliphondo.
Oku kusemva kokuba abantwana abathathu (3) abaneminyaka ephakathi komnye (1) ukuya kwemine (4) ababhubhe eMonti, berhanelwa ukuba batyhefekelw’ ukutya.
Abasemagunyeni bathi umntwana wesine (4) usesesibhedlele emva kwesehlo sangoLwesihlanu kodwa uyewakhululwa esibhedlele.
Iingxelo zithi aba bantwana basweleke ngoko nangoko emveni kokutya esi sidudu .