By Siphiwo Boqwana
Iqela leQakamba loMzantsi Afrika iiProteas lizakuqubisana neqela leqakamba laseSri Lanka kumdlalo vavanyo wokuqala kwemibini ezakudlalwa ngalamaqela eThekwini kumabala iKingsmead ngomso umhla wamashumi amabini anesixhenxe (27) kule imiyo inyanga ngoLwesithathu ezintsukwini.
IiProteas ziphuma kwimidlalo yayo yovavanyo ebiyimpumelelo neBangladesh kukhenketho labo lakutsha nje, kunjalo nje kufuneka baqinisekisa ngokuphumelela imidlalo vavanyo abayidlalayo hayi kuphela lo wabakhenkethi iSri Lanka, kanti naleyo basezakuyidlala nefana nezayo abazakuthi bayidlale nePakistan.
Iqela loMzantsi lihleli kwindawo yesihlanu kwihlabathi, yona iSri Lanka ikwindawo yesithathu kwihlabathi.
Nali iqela labadlali leqakamba loMzantsi Afrika elizakuqubisana neSri Lanka, nguThemba Bavuma oyinkokheli, uDavid Bedingham, uGerald Coertzee, uTony de Zorzi, uMarco Jansen Kheshav Maharaj, uAiden Markram, uWian Mulder, uSenuram Muthusamy, uDane Patersen, uKagiso Rabada, Tristan Stubbs, uRyan Rickelton noKyle Verreynne.
Umdlalo wesibini phakathi kwalamaqela mabini useGqeberha kwiNelson Mandela Bay apha eMpuma Kapa.