Inkokeli ye-Economic Freedom Fighters (EFF) uJulius Malema iyalele amagqwetha ombutho wakhe ukuba aqhoboshele umzi kalowo wayesakuba ngumongameli uJacob Zuma eNkandla ngenxa yemali ayityala i-EFF. UMalema uthi uZuma usebenzise le mali ukuhlawula amagqwetha kwimingeni yakhe yezomthetho.
Ingxelo yakhe iza emva kokuba amalungu amaninzi eqela, kuquka nowayesakuba ngusekela wakhe uFloyd Shivambu wavukela kumbutho kaZuma uMkhonto weSizwe (MK).
UMalema uthethe namalungu eEFF ebebambe umngcelele esiya kwiNkundla yoMgaqo-siseko eRhawutini izolo.
Uthe kubalandeli, onke amatyala abawaphumeleleyo angakuJacob Zuma, akazange azihlawule iintlawulo zobugqwetha. UZuma ubatyala imali yezomthetho kwaye banomyalelo wokuba makababhatale imali kuba bamoyisa enkudleni. Ngoku akawuthobelanga lo myalelo wokuhlawula imali ye-EFF. Ukwathe basandul’ ukuyalela igqwetha labo ukuba liye kuqhoboshela umpu ukuze le ndoda ihlawule imali yabo.