Abhaxabulene amakhwenkwe angaphantsi kweminyaka elishumi elinesibhozo kumbhoxo.
Iziphumo zemidlalo yomboxo yabo bangaphantsi kweminyaka elishumi elinesibhozo (18) ubudala kukhuphiswano leCraven Week ngoMgqibelo umhla wamashumi amabini anethoba (29) kule yeSilimela.
IWestern Province XV ibethe iFree State ngamanqaku angamashumi amathathu anesixhenxe kumashumi amabini anesine (37-24) wamanqaku.
IWP ibihamba phambili ngamanqaku alishumi elinesibhozo kwishumi elinesixhenxe (18-17) ngethuba lekhefu.
Zona iSharks zibethe iBlue Bulls ngamanqaku angamashumi amabini anesithandathu kwishumi elinethoba (26-19) lamanqaku, iSharks bezihamba phambili ngeshumi kwisixhenxe samanqaku (10-7) ukuya kuphumla.
IGolden Lions zibethe iSouth Western Districts ngamanqaku angamashumi amane anesihlanu kumashumi amane (45-40) amanqaku, ibihamba phambili ngamanqaku angamashumi amabini nanye kumashumi amabini amanqaku (21-20) kwisiqingatha sokuqala iGolden Lions.
IPumas zibethe iWestern Province ngamanqaku angamashumi amabini anesixhenxe kumashumi amabini anesibini (27-22), ibihamba phambili ukuya ekhefini iWP ngeshumi elinesixhenxe kwisithathu(17-3) samanqaku.
IBoland izibethele iEastern Province ngamanqaku angamashumi amathathu anesihlanu kumashumi amabini anesixhenxe (35-27), iBoland ibihamba phambili kwakwesokuqala isiqingatha ngamanqaku alishumi elinesibhozo kwisihlanu (18-5).
IBorder ibethe iGriffons ngeshumi elinesithandathu kwishumi (16-10) lamanqaku, ibihamba phambili ngamanqaku asibhozo kwamahlanu (8-5) iBorder kwisiqingatha sokuqala somdlalo.
IValke ibethe iGriqualand West ngamanqaku angamashumi amathathu kumashumi amabini anesine (30-24), ibiphambili iValke kwakwisiqingatha sokuqala ngamanqaku angamashumi amabini kwisixhenxe (20-7).
ILeopards ibethe iLimpopo Blue Bulls ngamanqaku angamashumi amane anesithathu kumashumi amathathu anethoba (43-39) kodwa iLimpopo, iBlue Bulls yiyo ebihamba phambili ngeshumi elinesixhenxe kwishumi elinesibini (17-12) lamanqaku kwesokuqala (1) isiqingatha.
By Siphiwo Boqwana.