By Anita Qubula
Amagosa okhuseleko aphuma kwindawo yaseTsitsikamma kwiGarden Route National Park (GRNP) abambe abarhanelwa abalishumi (10) ababandakanyeka ekuzingeleni amangquba ngokungekho mthethweni.
Isithethi sakwaSANParks, uJP Roodt, uthi amagosa amapolisa abone isithuthi esikrokrisayo kule ndawo ngempelaveki, kwaye ekufikeni kwabo, abarhanelwa babaleka, beshiya ngasemva iingxowa ezimbini zamangquba.
Uthi amapolisa axelele amanye amapolisa, ze emva kokugqogqa ngokucokisekileyo kwindawo engqonge loo ndawo, kubanjwe abarhanelwa abalishumi (10) logama omnye ekwazile ukuqhwesha.
URoodt uthi abasemagunyeni babambe iiyunithi ezingamakhulu amathathu aneshumi elinesihlanu (315) zamangquba amashumi alithoba amawaka (R90 000). Oku kuphawula isihlandlo sesibini esiyimpumelelo ekubanjweni kokuzingela amangquba kulo nyaka, emva kokubanjwa kwabanye kwinyanga kaTshazimpuzi ebandakanya umrhanelwa waseJeffreys Bay.
Abarhanelwa bavalelwe ngamapolisa de bavele enkundleni.