Abarhanelwa abathathu kulindeleke ukuba bavele kwinkundla yaseMpuma Koloni kwiveki ezayo ngezityholo zobuqhetseba, kulandela ukubanjwa kwabo ekuqaleni kwale veki.
Ngokwengxelo ephuma kooKhetshe ngoMgqibelo, babanjwe ngamalungu eqela labo lokuxhwila eMonti lixhaswa ngamagosa eMagma Security.
Abarhanelwa kutyholwa ukuba bebethatha “imali yokhuseleko” kumashishini aseNgcobo, Cofimvaba, Dordrecht, naseKomani.
Ingxelo ithi eli qela, lisebenza ngokolwazi, libambe imoto yohlobo lweToyota Fortuner eneepleyiti zokubhalisa eGauteng laze labamba abarhanelwa ngoLwesihlanu.
Amapolisa afumana imali neeselfowuni ezimbini.
Aba bathathu bazakuvela kwinkundla kamantyi yaseCathcart ngoMvulo.