Abantu abathathu bavele eNkundleni kaMantyi eMonti ngentsasa yangoLwesithathu malunga nezityholo zokuxhwilwa kuka-Emaan Fatima.
U-Emaan Fatima oneminyaka elithoba (09) ubuncinci uye wakhululwa kusasa ngoLwesithathu, emva kweveki ethunjiwe ngaphandle kwesokolo sakhe e-Buffalo Flats eMonti ngoLwesinbini weveki ephelileyo, (04) kweyoMdumba 2025.
U-Lieutenant Colonel Avele Fumba, isithethi soCandelo loPhando loLwaphulo-mthetho oluphambili uthe abarhanelwa abaphakathi kweminyaka engamashumi amabini (20) namashumi amathandathu anesixhenxe (67) ubudala batyholwa ngokuxhwilwa.
UFumba uthe ngokophando, ixhoba wayegoduka ebuya esikolweni ngexesha exhwilwa ngabantu ababini abangaziwayo. Wafakwa kwisithuthi sakwa-Toyota Corolla esiSilivere ngombala wasiwa kwindawo engaziwayo.
“UPhando olucokisekileyo luye lwakhokelela ekubanjweni kwaba barhanelwa. Ixhoba siye salifumana ngaphandle kwesikhululo samapolisa, lingabikwa hlaba.”
Elityala liye lahlehliselwa umhla weshumi elinethoba (19) kweyoMdumba 2025 ukuze kufakwe isicelo sebheyile ngokusesikweni.