UMphathiswa wezoThutho noKhuseleko loLuntu eMpuma Koloni uXolile Nqatha
aqhwabele izandla amalungu esipolisa kunye neZendlela zePhondo ngokubamba abarhanelwa abathandathu (6)
abaphakathi kweminyaka engamashumi amabini anesithathu (23) namashumi amathathu anesihlanu (35) ubudala ngokuba nemipu emibini(2) kunye
neziyobisi ngempelaveki ku-N10 kufutshane neCookhouse.
Abarhanelwa abathandathu babanjwa ngethuba lephulo elidityanisiweyo lokubonakala okuphezulu
eqhutywa nguCookhouse Highway Patrol kunye namagosa ezendlela ePhondo ukulwa ngokuchasene nolwaphulo-mthetho eCookhouse. Eliqela lisabele ngokukhawuleza kulwazi ababenalo ze lafumene iMercedes Benz engwevu eyayisuka eGqeberha
kwaye yayethutha iziyobisi. Emva koko babona isithuthi ku-N10, kwaye
ekusetshweni kwesithuthi, amapolisa afumene imipu emibini (2) engenamaphepha-mvume
(9mm kunye neNorinco) kunye namashumi amathathu (30) eepilisi zemandrax. Amapolisa nawo athimba
isixa-mali esingachazwanga, kunye nesithuthi njengoko sisetyenziswe
ukwenziselwa ulwaphulo-mthetho ngaba barhanelwa (amadoda amane nabafazi ababini). Bonke abarhanelwa basuka eGqeberha eMotherwell kwaye kutyholwa ukuba babandakanyeka kuthotho lwemisebenzi yolwaphulo-mthetho enxulumene nokuxhwilwa kweelori kunye okuQhutywa kule ndawo.
Kusenjalo uMphathiswa uthi uyakhuthazwa ngumsebenzi omhle owenziwe ngamalungu abakwasidlodlo ukulwa ulwaphulo-mthetho kweli phondo. UMphathiswa uNqatha uthe: “Njengokuba sikwiphulo loku
ukudala indawo engqongileyo ekhuselekileyo kwiphondo, sinyeke ukubugqiba nyaa ubundlobongela. Ukubanjwa kwezi zaphuli-mthetho kuya kuthumela umyalezo oqatha
kwezinye izigebenga ezilapha phandle ukuba asinaxesha lokuphulula ootsotsi kulento
iphondo. Sikwafuna ukukhuthaza abantu bethu ukuba basebenzise ezi nombolo zomnxeba wokuxhwila ongunombolo 082 3871561 ukuxela ulwaphulo-mthetho kwiphondo. ,”