Kwiziganeko ezibini ezahlukeneyo kwindawo yolawulo enye eNothintsila eNgqeleni, kubanjwe abarhanelwa ababini abaneminyaka engamashumi amathathu anesihlanu (35) ukuya kumashumi amane anesithoba (49) ubudala ngokufunyanwa nemipu, imagazini neembumbulu ezingekho-semthethweni.
NgoLwesine umhla weshumi elinesithandathu (16) kaCanzibe malunga nentsimbi yesibini ekuseni (02:00), igqiza loThintelo loLwaphulo-Mthetho lwaseNgqeleni kunye nesithili sase-OR Tambo esikhokelwa ngabeNtlola yoLwaphulo-Mthetho balandele ulwazi abalufumene malunga nomrhanelwa oneminyaka engamashumi amane anesithoba (49) ubudala onompu ongenaphepha-mvume.
Amapolisa aqhubele phambili kwindawo ahlala kuyo apho kufikwe bephethe imipu, imagazini neembumbulu ngaphandle ezingena zimpepha-mvume, babanjwa bavalelwa kwisikhululo samapolisa eNgqeleni.
Kanti kwangobo busuku bangoLwesine malunga nemizuzu engamashumi amane emva kwentsimbi yeshumi elinenanye ngokuhlwa (23h40), elinye iphulo lobuntlola ngamalungu aseNgqeleni eVispol likhokelele ekubanjweni kwendoda eneminyaka engamashumi amathathu anesihlanu (35) ubudala ngokufunyanwa nompu ongekho mthethweni oneembumbulu.
Omabini la madoda abekwe ityala lokuba nemipu engekho mthethweni kunye neembumbulu. Ukanti omabini lamadoda avele kwinkundla kamantyi eNgqeleni ngoMvulo.
By Anita Qubula.