By Anita Qubula
Amapolisa eNtshona Kapa abambe amadoda amabini kwindawo yasePhillipi eCape Flats ngezityholo ezinento yokwenza nobuqhetseba. Isithethi samapolisa uMalcolm Pojie uthe amagosa eqela le Anti-Economic Crime Task Team alunywe indlebe malunga nabarhanelwa abahlanu abaxhaphaza iivenkile kwingingqi yaseKosovo naseSamora Machel.
Uphando olungaphaya lukhokelele ekubanjweni kwala madoda mabini, aneminyaka engamashumi amabini (20) kunye namashumi amabini anesibini (22), kwiFama yaseBrown. Abarhanelwa kulindeleke ukuba bavele kwinkundla kamantyi yaseBlue Downs xa bebekwe ityala.
UPojie uthi, “Amalungu agqogqe aba babini aze afumana ingxowa yeplastiki enemali engachazwanga kunye neepakethi ezininzi zecuba, ekutyholwa ukuba zithathwe kwiivenkile abazihluthileyo.”
Uqhube wathi, amapolisa aye arhola ukuba aye kwiidilesi ezimbini zamatyotyombe, eMfuleni, apho afumanisa khona umpu kunye nemipu emibini engavumelekanga.