Inkosikazi eneminyaka engamashumi amahlanu ananye (51) ubudala kulindeleke ukuba ivele okokuqala enkundleni ngentseni yangoLwesihlanu (08) kweyeNkanga 2024 malunga nokubulawa kukaMoegamat Dollie.
Umzimba walo mfana oneminyaka engamashumi amabini anesibini (22) ubudala wabhaqwa kwisitalato iMusuri, eMissionvale ngentsasa yomhla wamashumi amabini anesibhozo (28) kaOkthobha, ngo-2024.
Ixhoba lifumene amanxeba embumbulu entloko nasentanyeni. Wabanjwa ngoLwesithathu, umhla wesithandathu (06) kweyeNkanga 2024 ngamagosa aphandayo e-SAPS Algoa Park. Othethela amapolisa eMpuma Koloni uKapteni Sandra van Rensburg uthi uphando lusaqhubeka, kwaye kulindeleke ukuba kubanjwe abanye abantu.
Isizathu sokudutyulwa sibhengeziwe.
Lo wasetyhini kulindeleke ukuba avele kwinkundla kamantyi yaseNew Brighton ngezityholo zokubulala.
Kubekho ukudutyulwa kwabantu abaninzi eMpuma Kapa kwezi veki zidlulileyo.
Balishumi elinesibhozo (18) bebonke abadutyulwe eLusikisiki kwaye basixhenxe abantu ababanjiweyo malunga nezi ziganeko zokubulala.
Abasetyhini abalishumi elinesihlanu kunye namadoda amathathu baphulukene nobomi babo kwezi ziganeko zibini zodubulo. Umtyholwa ngokuba ngungqondongqondo kwesi siganeko ungaphaya kwezitshixo uthothoza isigwebo sokubulala.
Omnye umtyholwa waphuma ngengqawule kwityala lokubulala. Amapolisa akasikhuphanga isizathu sokudubula.
Bonke abanye abatyholwa bahlala ngaphaya kwezitshixo njengoko bakhetha ukuziyeka izicelo zabo zebheyile.
Kwesinye isiganeko kwaye kwadutyulwa amapolisa amathandathu kuQumbu.