Uzakubekwa kwikhaya lakhe lokugqibela uNogcinile Mtirara, kwilali yaseMqhekezweni ngaphandle kwaseMthatha eMpuma Koloni namhlanje.
Umatriki obeneminyaka engamaShumi asixhenxe ananye (71) ubudala wadutyulwa wabulawa eMqhekezweni Great Place ngomhla wamashumi amabini anesithoba kweyeDwarha (29 October).
Esi siganeko sashiya uluntu lungazinzanga.
Kuvakala ukuba amadoda amabini angaziwayo awayexhobe ngemipu enxibe i-balaclavas angena eGreat Place esithi akhangela unyana kaNogcinile.
Emva koko badubula iimbumbulu ezimbini, bambulala ngoko nangoko emva kokuba ebaxelele ukuba bahambe.
Kwangobo busuku kwabulawa elinye ixhegwazana elingumongikazi oneminyaka engamashumi asibhozo (80) ubudala, uNonceba Timakhwe, nowayehlala kude kufuphi neGreat Place. Ukanti kungoku nje akukabanjwa mntu okwangoku.