UMkomishinala wesiPolisa eMpuma Koloni, uLt Gen Nomthetheleli Mene, udlulise umyalezo wovelwano kusapho lwepolisa ebeliphakathi kwesine esithe sabhubha kwingozi emasikizi yemoto kwindlela uN2 phakathi kweGcuwa neMonti ngokuhlwa kwayizolo umhla wamashumi amabini nanye kweyeSilimela 2024.
Kutyholwa ngelithi malunga nemizuzu engamashumi amahlanu emveni kwentsimbi yesithandathu (18:50), imoto ezintlanu ziye zabandakanyeka kwingozi yemoto nalapho kubhubhe abantu abane abaphakathi kweminyaka engamashumi amabini anesibhozo (28) kunye namashumi amathandathu anesibhozo (68) ubudala.
IPolisa elineminyaka engamashumi amathathu anethoba ebeliphangele ngexesha le ngozi belililungu leYunithi yePhondo yoPhando loLwaphulo-mthetho. Abanye abantu abaphakathi kwminyaka eyi-59 ne-60 ubudala babalekiselwe esibhedlele ngenxa yomonzakalo.
Okwa ngoku, imeko emalunga nale ngozi imasikizi isaphandwa. Ityala lokubulala ngokungenjongo kunye nokuqhuba ngokungenankathalo nokungakhathali livuliwe.
Amapolisa asakhangela isizalwana sowasetyhini oneminyaka engamashumi amabini anesibhozo ubudala obesingise eMthatha esuka eMonti.
Police are still looking for the next of kin of a 28 year old woman who was travelling from East London to Mthatha. Amapolisa aseKei Bridge abongoza nabani na onothi abenolwazi anxulumane nabo kule nombolo 043 831 2005/2033.
By Anita Qubula.