Isaqhuba imidlalo yombhoxo yabangaphantsi kweshumi elinesithathu leminyaka.
Iziphumo zosuku Lwesithathu (3) zeCraven Week kumakhwenkwe aneminyaka engaphantsi kweshumi elinesithathu (13).
IWestern Province ibethe IGolden Lions ngamanqaku angamashumi amathathu anesithandathu kumashumi amabini anesibini (36-22), kwisiqingatha sokuqala ibihamba phambili ngamanqaku angamashumi amabini anesibini kwishumi (22-10) lamanqaku eWestern Province.
IBlue Bulls zabetha iBoland ngamanqaku angamashumi amathathu anesibibi kumanqaku amahlanu (32-5), iBulls bezinqenqeza phambili ngamanqaku asixhenxe kwiqanda (7-0). ISouth Western District zabetha iGriffons ngamanqaku angamashumi amathathu ananye kwishumi, kanti iSWD ibihamba phambili ngamanqaku asixhenxe kwamathathu (7-3).
IFreyistata ibethe iPumas ngamanqaku angamashumi amamathathu ananye kwishumi elinesibini nangona iPumas bezihamba phambili kwisiqingatha sokuqala somdlalo ngamanqaku alishumi elinesibini kwisixhenxe (12-7).
ISharks zibethe iBorder ngamanqaku angamashumi amathathu anesithandathu kumanqaku angamashumi amabini anesine (36-24), beziphambili ngexesha lekhefu iSharks ngeshumi elinesihlanu kwisihlanu (15-5).
IEastern Province iphumelele ngamanqaku angamashumi amabini anesibini (22-15) kwishumi elinesihlanu leGriqualand West, kwisiqingatha sokuqala ihambe phambili iEP ngeshumi elinesine kwishumi lamanqaku (14-10).
ILeopards zabetha iBorder Country Districts ngamanqaku angamashumi amahlanu anesithathu kwisihlanu (53-5), ihambe phambili iLeopards ngamanqaku angamashumi amathathu anesithandathu kwiqanda (36-0). IValke yabhaxabula iZimbabwe ngamanqaku angamashumi amahlanu anesibini kwiqanda, ibiphambili kwisiqingatha sokuqala ngamanqaku angamashumi amathathu anesibhozo eqandeni (38-0).
ILimpopo Blue Bulls yabetha iNamibia ngamanqaku angamashumi amathathu anesine kumanqaku amahlanu kanti ngekhefu bebehamba phambili ngeshumi elinesihlanu kwiqanda.
Kumaqela akuB, iBoland ibethe iSharks ngamanqaku angamashumi amane anesixhenxe kumashumi amabini ananye (47-21), zabe bezibambene ngamanqaku asixhenxe macala kwesokuqala (7-7) isiqingatha. IWestern Province yabetha IBlue Bulls ngamanqaku angamashumi amabini anesine kumanqaku alishumi yabe ibihamba phambili kwisiqingatha sokuqala ngamanqaku alishumi elinesibini kwishumi (12-10).
IGolden Lions zabetha iLimpopo Blue Bulls ngamanqaku angamashumi amane ananye kumanqaku amathathu (41-3), yabe ibihamba phambili ngamanqaku alishumi kwamathathu (10-3)
SWD yabetha iBorder ngamanqaku angamashumi amabini anesithandathu kwishumi elinesithandathu (26-16), yabe ibiphambili ngamanqaku asibhozo kwiqanda iBorder kwesokuqala isiqingatha. IFS yabetha iGriffons ngamanqaku alishumi elinesixhenxe kwishumi, kwesokuqala isiqingatha yabe iphambili ngeshumi elinesibini kwiqanda.
IValke yaphumumelela kwiLeopards ngamanqaku angamashumi amathathu anesithandathu kwishumi elinesibini (36-12), ihambe phambili iValke ngamanqaku alishumi elinethoba kwisihlanu (19-5). IPumas yazibethela iEP ngamanqaku angamashumi amabini anesine kwishumi elinesibini (24-12) yabe ibihamba phambili kwakwesokuqala isiqingatha ngamashumi amabini anesine kwisixhenxe (24-7).
By Siphiwo Boqwana