Kubhubhe umntu omnye kwaze ababini bonzakala kwingozi yemoto eyenzeke phakathi kweveni kunye nesedan kwindlela uM17 ngaphandle nje kwaseMotherwell eGqeberha.
Isithethi samapolisa, uColonel Priscilla Naidu, uthi le ngozi yenzeke ngobusuku bangeCawe ngentsimbi ye-08.30.
Uthe iToyota Tazz kunye neveni ye-Isuzu zingqubane ngentloko okweenkunzi zegusha.
Umqhubi weveni ubhubhele kwindawo yexhwayelo, logama omnye umqhubi efumene umonzakalo omandundu.
UNaidu uthi enye imoto yohlobo lweMercedes Benz nayo ingene ngasemva kwiveni, ze umqhubi wayo wonzakele kancinci.
Ityala lokubulala ngokungenjongo liphantsi kophando ngamaPolisa aseSwartkops.
Igama lomfi lisankonyiwe.